Transcript
وأنت على اليوتيوب كده لو خرجت من الفيديو دوت ورحت كتبت إزاي أبدأ فريلانسنغ؟ هتلاقي آلاف الفيديوهات اللي بتتكلم عنها. ويا سلام بقى لو وسعت البحث وخليتها بالإنجليزي، هتلاقي ملايين الهنود بيتكلموا عنها. وأكبر فخ هتلاقيه هو بساطة الموضوع اللذيذ والسهل لدرجة إنك يعني هتخلص الفيديو وأنت حاسس إنه إيه ده؟ في حاجة غلط. الفيديو ما طلعليش فلوس ليه بعد ما خلصته؟ أنا بقى لي خمس دقائق متعلم فريلانسنغ ولسه ما كسبتش مع إنهم قالوا لي إن الموضوع سهل. وهنا صديقي أنا جاي أكلمك بجد من واحد اللهم لك الحمد أنا كنت محضر لجزء الفريلانسنغ التابع لمبادرة وزارة الاتصالات المصرية اللي هي رواد مصر الرقمية الدفعة الثانية. والله الحمد عندنا كورس مجاني لتعليم فريلانسنغ مسجل فيه فوق الـ 75 ألف شخص.
يعني احتمال يكونوا 80 ألف دلوقتي بالفعل. والحمد لله آلاف منهم اشتغلوا بالفعل بفضل من الله وحده والكورس كان سبب من الأسباب. وأنا جاي هنا الفيديو دوت أبني معاك خريطة العمل الحر اللي أنت محتاجها عشان تبدأ من واحد ما عندوش خبرة لواحد بإذن الله بيبدأ رحلته بينطلق بيكسب كمان إن شاء الله. لأن هنا هتلاقيني بحط معاك خريطة مبنية على خبرة التعامل مع آلاف الفريلانسرز اللي قبلك. فحاولت أبنيها بأفضل شكل ممكن بس هتحتاج إنك تفرك معايا. وهوضح لك دوت بعدين. يلا صديقي جهز معانا وأبدأ بالحمد مصلياً على محمد خير النبيين والمرسلين. خلينا الأول نحط قواعد مع بعض في البداية عشان هي أهم من أي حاجة ثانية ودي نصائح شخصية لك.
أي حد يقول لك أنا أوعدك بمكسب كذا في وقت قد كذا غالباً بيشتغلك وبيستغل احتياجك للفلوس على حساب ريتش خاص بيه هو. وأي حد بيسهل لك من مجال ما بيوعد فيه بنتائج لعدد كبير من الناس باختلاف مستوياتهم ودنيتهم بيشتغلك. وده الحقيقة ما كنتش أتمنى إني أنا أنصح بيه وإنها تبقى حاجة غريزية من الفطنة البشرية جوانا. يعني إن التعميم بمكاسب مادية لأشخاص مختلفة وهكذا واحد مش منطقي مهما كان. بس يعني لا بأس باللي إحنا نفكر بعض ونذكر بعض بيهم تاني. بعد الحاجتين دول هنحط القاعدة الثالثة سريعاً. وهي إن في فرق بين مهارتك في شغلك ومهارتك كفريلانسر. مهارة الفريلانس هي اللي بتساعد الناس تشوف مهارتك في شغلك. فعشان نفرق بين الاثنين أنت محتاج المهارة اللي هتشتغل بها وتبيعها للناس.
بس كمان معها هتحتاج مهارة البيع للناس. ودي هنعتبرها الفريلانس. بالاتفاقات ديت نبدأ بقى بإذن الله. وعشان نبدأ نشتغل على مواقع العمل الحر إحنا بنحتاج مهارة مطلوبة بشكلها الحالي. ودي جملة تحتها خط عشان هنفصصها وهنوضحها. ثم بنروح بقى لعملاء طالبين المهارة ديت. وهنا عندنا العملاء تحتهم خط هم كمان عشان هنفصصهم. وهنوريهم إن إحنا نقدر نساعدهم في ده. وده هيبقى الخط الثالث. فكده يعني إحنا عندنا مهارة مطلوبة من الناس. إحنا بنقنع الناس ديت. اللي هي تسهيلاً مهارة مطلوبة بجد. عملاء طالبينها. طريقة إقناع تربط بين الاثنين. خريطة الفريلانس بتدور بقى حوالين الثلاث حاجات ديت. ويلا نبدأ نتكلم كلام يجيب إن شاء الله فلوس بإذن الله.
وركز في القصة الحلوة اللي جاية. تخيل صديقي دلوقتي إن أنت رحت للنجار وقلت له: بقول لك إيه؟ علمني الحرفة ديت. عاوز أبقى نجار جامد وثقيل. فتعلمت بقى مسكة المنشار. طريقة التقطيع. مكنة بتعمل أشكال معينة. بقيتك خبير في أنواع الخشب. اتهريت. أنت صنايعي قد الدنيا حالياً. ودلوقتي أنا سباعي صديقك الصدوق. وأنت عاوز تبيعلي صنعتك كنجار. هتعمل إيه؟ سباعي أنا نجار جامد جداً. عليا مسكة منشار ملهاش حل. ولو تشوفني وأنا بفرق بين أنواع الخشب يا ده في جهاز لسه طالع بيخليني أتحكم في طريقة التقطيع. بص يا سباعي أنا جامد. أنا فنان جداً. أنا بقالي أربع سنين بتعلم الحكاية ديت. أنت عارف؟ أنا سنيور نجار. آه ماشي. عاش والله.
استمر. الله يعطيكم العافية. استمر الله يعطيكم العافية. الله يعافيك. إبداع والله. فـ هتلاقيني بطبل لك عشان صديقك. وخلاص كده يعني. أصل هعمل إيه لما عرفت إنك قوي في النجارة؟ أنت ما جيتش تقول لي: سباعي أنا شايفك بتجهز بيتك. فهتحتاج إنك تفرش أوض البيت بتاعتك بشكل لذيذ. أنا هعمل لك أوض النوم ديت بشكل كويس جداً هيعجبك. بسعر لطيف عشان أنت شكلك ابن حلال. وقتها أنا كسباعي هقول لك: آه. إحنا نبدأ نتكلم. فمتوقع مني اني هسألك واقولك طب جامد, وريني اوض النوم كده اللي انت عملتها سابقا عشان ابص عليها. فوقتها انت ممكن تقولي, وانا بقول ممكن, مش متأكد يعني, ان لاوض النوم ايه يا سباعي؟ انا قاعد بتدرب على التقطيع ومسكة الادوات ودق المسامير.
ما عملتش اوض نوم كده الحقيقة. بس بإذن الله لما اعملك الاوضة بتاعتك, يعني هتبقى لذيذة وزي الفل, وهتعجبك جدا. فده هقولك والله ابقى انا اهبل لو يعني قلتلك يلا عاش, يلا توكل على الله, وجرب فيا بفلوسي في حاجة انا اصلا مش عارف انت هتعملها ازاي, وما شفتكش عملتها قبل كده. فانت كصنايعي فاهم المشكلة ديت, رحت عملت اوض نوم, وفضلت تطبق وتعمل وتتدرب, وعملت اوض نوم فعلا حقيقية. ورجعتلي وقلتلي بص يا سباعي, دي اوضة نوم انا عملتها, ايه رأيك؟ فلقيتني بقى بقولك بكل تناحة الدنيا, ايه ده؟ هو في حد بيطلب اوض نوم فراعنة القدماء دول؟ صاحب الستايل دوت اختفى من زمان. فانت تقولي بس يا سباعي, ما هو نفس التكنيك, يعني انا اللي عملت الاوضة ديت, هعملك اوضة تانية عصرية.
انت مش ليك اوضة تشوفها وخلاص عشان تتأكد من شغلي. فاقولك يعني هي وجهة نظر, بس الحقيقة يعني, انا لقيت صديقي نجار تاني غيرك بيعمل اوض نوم مشابه للستايل المطلوب حاليا في الفترة الحالية, بالطريقة العصرية الحالية. فانا هروحله هو. القصة اللي فاتت ديت اللي انا سحلتك فيها, هي بتعبر عن اشهر واهم حاجة في خريطتك في مجال العمل الحر. لو فهمتها, يعني لو رجعت بقى وعندك خلق ورجعت سمعتها تاني, وفصصتها, هتبقى حليت اول جزء بإذن الله في رحلتك في العمل الحر. صديقي, العميل بيشتري مهارتك بشكلها المطلوب حاليا. مش بماضيها. مثال توضيحي يعني عشان تبقى فاهم الدنيا. شايف الصورة الكرتونية ديت؟ انا اشتريتها في 2018 ب10 دولار, عشان كان وقتها بحطها صورتي على موقع فريلانس, فبتخلي بقى اللي هو ايه, شكل شياكة وثقة للعميل وكده.
الفريلانسر اللي عملها لي وقتها, كان جرافيك ديزاينر, او يعني فرع منها يعني, عشان هما ليهم مسميات كتير متفرعة من الحكاية ديت. فكان دي حاجة مطلوبة جدا بمهارته. وقف بقى الفيديو كده, وفكر معايا, الشخص دوت هيبقى فين حاليا, لو مهارته فقط لسه بيعمل صور كرتونية. الفريلانسر مش موجود صديقي, مش مش موجود اصلا. ال ChatGPT ما تي في خمس ثواني. فخلاص يعني مهارته اركنها على جنب مع السلامة. هتقولي ماشي يا سباعي بس هو جرافيك ديزاينر عنده الأساسيات فعادي هيطور من نفسه. هقولك حلو. هل بقى هو طور من نفسه ولا لسه عايش في حاجة بتتعمل بمهارته ومش بتطلب؟ هل بمنظور تاني لسه معرض أعماله لما تتفرج عليه هتلاقي حاطط صور كرتونية؟ ما بقتش بتطلب.
فهو لو ما عدلش معرض أعماله وخلاه يواكب العصر الحالي اللي بيطلب حاليا محدش هيكلمه. فما ينفعش إنك تقولي هبدأ مجال العمل الحر وأنت مش عارف مهارتك دي اللي بتتعلمها بتطلب إزاي حاليا. العملاء حاليا عاوزين يشوفوها إزاي. فأنت كده عرفت إنك بالفعل محتاج أول حاجة وأهم حاجة يبقى معاك مهارة مطلوبة في شكلها الحالي. إزاي بقى يا سباعي هعرف شكلها الحالي؟ ودي هتاخدنا للخطوة التانية. وهي البحث اللي هتعمله بالفعل على مواقع العمل الحر. أنا بحب موقع أبورك. حتى لو مش ناوي تشتغل عليه. بس ادخل اعمل بحثك عليه. تعمله إزاي بقى؟ هتروح هتفتح موقع أبورك وهتعمل أكونت سريع عليه. وتروح تعمل بحث وتكتب اسم مهارتك وتفلتر الأول بالوظايف اللي نازلة.
وتاخد من 30 لـ 50 وظيفة نازلة. وتبدأ تحللهم. تشوف مهارتك العملاء ديت قصاد عينك أهو طالبينها إزاي. عايزين إيه؟ بيتعمل بيها إيه حالا؟ فتبقى فاهم إن ده هيبقى النقطة اللي هتركز عليها بشكل كامل وأساسي عشان اللي دوت اللي هتصيغه في معرض أعمالك. بعد الخطوة ديت بتغير بقى الفلتر بتاعك وبتخليه لفريلانسرز زيك زيهم. وتبحث على 10 لـ 20 شخص شغالين بمهارتك دي من أحسن ناس في المجال على الموقع. وتشوف معرض أعمالهم كاتبين إيه عن مهارتهم عن نفسهم بيشتغلوها إزاي. يعني عشان تبقى عارف إن ده اللي هم عاملينه حاليا. وبكده يعني فعلا أنت خلاص قطعت أول شوط بشكل تام. بل دخلت في الشوط التاني كمان. لأنك بالفعل بحثت على وظايف العملاء بينزلوها وفهمت بينزلوها إزاي وطالبين إيه.
فاللي ينقصك بقى وقتها طريقة الإقناع اللي تربط بين ده وده. اللي هو مهارتك والعميل. هنا بقى هقولك إن الربط ده هو لعبة الفريلانسر مع العميل. والعميل بيلقطها وقت ما بيبدأ يتكلم مع الفريلانسر. أو قبل ما يتكلم معاه يعني لو لسه في المرحلة الأولى أصلاً اللي هو بيقرأ عرض العمل الخاص بال فريلانسر. وهنا هنيجي لعرض العمل نفسه. لو على مواقع أجنبية فلازم اللغة تكون كويسة عشان تقدر تتعامل بطريقة صح وتقدر إن أنت تلقط دخلة مشاعر تلعب بيها في عرض العمل. والحقيقة لا أنصح بأنك تعملها بشات جي بي تي وخلاص تروح قولي أنا هعتمد عليه لأن ده بيتلقط من العميل بسهولة جداً إلا لو أنت بقى لاعب فيه بطريقة كبيرة وعالية وضابطه بشكل كبير جداً وغالباً هتحتاج إنجليزي كويس أصلاً عشان تظبط ده وتعرف تعدل إزاي عليه.
فلو بدون لغة إنجليزية هقولك طورها الأول أو بالتوازي مع تعليمك للفريلانس عشان تنطلق على خير بإذن الله. ومهارة كتابة البروبوزال هنا اللي هو عرض العمل هي حلقة الوصل اللي أنت محتاجها للعميل عشان تقنعه يدخل أكونتك ويشوفك بالفعل. قدرت تلعبها صح بإذن الله الدنيا تبقى معاك أحسن بكتير. التلات حاجات دول هيبقوا هما مدخلك الأساسي في رحلة الفريلانس بإذن الله. أول ما تفهمهم هتلاقي نفسك بتنطلق في أي موقع بطريقة صح. ولو كنت صديقي عاوز بقى حاجة تاخد بإيدك بشكل كامل من الأول للآخر في رحلتك فإحنا عاملين كورس مجاني تماماً. إتكلمنا عنه أكتر من مرة في القناة. مسجل فيه بفضل من الله أكتر من 75 ألف شخص بالفعل. والحمد لله طورناه للمرحلة التانية وبقى أقوى من الأول.
مهام كتير وتفاصيل أكتر وشغل شهور إتحط في كورس واحد مجاني تماماً بإذن الله. تقدر توصله بإذن الله لما تشوف الفيديو ده وتشوف من هنا. فيه كل التفاصيل وكل حاجة توصلها إزاي بشكل مجاني تماماً. أشوفك على خير يا صديقي. ولو كنت إستفدت ما تنساش اللايك الجميل للفيديو وإشترك لو ما كنتش مشترك بالفعل. سلام عليكم.